باقه من الزهريااات *او المواال*

السلام عليكم محبي ومتذوقي الشعر الشعبي
لكم مني اجل التحاياااا
من فتره ولم ارى هل اللون من الشعر في قسم الشعر الشعبي

احبتت ان انقل لكم باقه من الزهريااات
*او المواال*

هاي محاورة بين الشاعر مروان والشاعر ابو اسحاق
الشرقاط
يكول
ياكلب ادبج على سطح المئاسي وارك
من حيث صار الوكت لليجمعون الورك
كلبك علينه جفا مانوبه حن وارك
وانا دليلي فرح لو طاري عنكم ذكر
وادعي بجاه الذي نازل عليه الذكر
اشجار كلها اثمرت واحنا اشجرتنا ذكر
ضايع تعبنا وثاري بس حصلت الورك


الرد
ياصاح كلبي صعد فوك المئاسي وركه
ونجوم ضهري شفتها وماجنيت اوركه
مروان هات القلم وجلب معاك وركه
تا اكتب هموم روحي من الزغر فيها
والدنيا حوت اصبحت ليه افتحت فيها
بشجرتك انتا ورك ينفعكم بفيها
احنا شجرتنا ياخي مانبت بيه وركه

الرد

تزهي شجرتنا مثلها بالحسن منحله
مشجي لجلها وساهر والتعب منحله
ما ادري اصلها نوصف بديالى لو بالحله
يعجب شكلها ولكن لاتمر فيها
ما استغني عنها ولا لحظه اكدرن فيها
تدري شجرتنا فلا نوب انسكن فيها
جتها الزنابير فيض انها بنت منحله

الرد

ماني بمجنون لابيه نقص لاعرج
من نسل الاكرام من اطهر عشيره وعرج
اتبع سبيل الذي ارجب البراق وعرج
واحذر زخاريف لاتنغر بها ومنحله
ونجان مر اجرعت لابد تضك منحله
سهله الزنابير بشجرتك بنت منحله
انا المصيبه العلي يبست ترى من العرج





وهذا للشاعر اعتقد

لمالك الحزين

لو مااعرف المن بالظبط

يا زين طعم العسل مخزون في شفتك
وروحي ترد علي لولا تهكل شفتك
شفتي تعاسه واسه وصار الفارح شفتك
وكلما ابطل جرح جرحي عليه يعيد
والجان ماصدكت هاك الجروح وعد
صايم ولا افطرت من مر عليه العيد
يصـــــــــــير اعيد وانته هلال ماشفتـــك

وهل المجموعه

لم اعرف لمن كانت

لذلك اكتفي بقوول
منقوووله



ممنوع عني الفرح ما مرني بس الهم @
اعزاز يوم المشو ما نحت بس الهم @
اطحن بجمر لبغضا عامات بس الهم@
يبقى عهدكم رسم لاوالذي انزل@
محكم كتابه وابد عن دربكم منزل@
دفان كبل ان تحط اللبن بس انزل@
اطبع بشفتي على الخدين بوسه الهم



يامن نسيت اللذي ابعمرة الك خاطرة
بالجذب مامر على بالك ابد خاطرة
وانة بدموع الهجر كاتب الك خاطرة
صدكني هذا الكلب غيرك ابد ماهوة
ضل عالي علو النجم حبك ابد ماهوة
بالله اريد اسألك عن السبب ماهوة
الشايل حنينة الك ليش اكسرت خاطرة




بطرواك طول العمر صبح ومسه ذاكره
ولدكول عني بعد هذا الولف ذاكره
كلبي ناسي وامس بالطيف اجه ذكره
طالبني رغم الجره بحنينه خايب شحن
ودموعي جي سافرت بعيوني صدك شحن
نقالي عالشاحنه ومن كال تم الشحن
كلت ارسله الروح جاوب ممليه الذاكره


من يوم عني رحلت قلبي تكطع وصل
وبالليل انه كعدت اندعي لربي واصل
وانخا لرب العرش بلكي تعود الوصل
لان انته قطعت دهب وسط القلب مندك
ومن كالو انته غبت هاون بصدري ودك
ولو شاع صيت وخبر وسمعت هوسه ودك
اركض بايد ورجل واصرخ الغالي وصل


الموضوع منقول