يعجبني الجرح لو لاكي شمات- عبد الحسين الحلفي

يعجبني الجرح لو لاكي شمات


يضم روحه بحيث يبين التم


تعجبني السيوف بجف السباع يحمرها الخجل لومالكت دم


اذا انت شفت لاتكول ماشوف


تحجي العين بلسان يتلعثم


شوف الفلح من تموت الورود


بغير ورود هي تروح تشتم


بس شوف الورد لومات فلاح


من تشمه تنكطع اهاته بالدم


شوف اصعب وجه تقراه العيون


لكن بالكلب بس الله يعلم


كلبي كزاز بس تسحكه خسران


اذا هو انكسر انت التصب دم


الحسب عقله يحب صدكني يرتاح


الحسب كلبه يحب صدكني يندم


لذلك اني احب ادم ابو الكل


بس ما احب ابو التفاحه ادم


حسب عقلك يصاحب شوف كل شي


واضربلك مثل بكل شي وشلون


اكو اليحجون من الصبح لليل وحرام انجان تفهم شنهو يحجون


واكو ساكت وحلكه مخيط خياط


وحجيه شكد حلو بنظرات العيون


من ابزك بالحجي لاتزعل ارجوك


اسمعني وكول شكرآ كول ممنون


الابره من تبز الثوب ياصاح


قصدها تخيط بشك اليشكون


الحسب عقله يحب صدكني يرتاح


الحسب كلبه يحب صدكني يندم


للشاعر المبدع


عبدالحسين الحلفي