قصيده جديده لعبد الحسين الحلفي

كتبهاzhr-2009 ، في 21 حزيران 2009 الساعة: 01:19 ص

الله ياهالشعب
من حلكه باكو ضحك .. ونباكت افراحه
مجلب بخيط الامل .. ويتاني بلجن غنه امن اشفاف النياحه
الفلاح اذا ما خجل لون الور ينتهي … واحمر يصير الور لو خجل فلاحه
العاكول في موطني .. بيه غيره كلش شهم
ويثور لو اجنبي يشم ورده فواحه
في موطني شكد حلو .. حته الثلج يشتعل كون الوطن صاحه
والطير في موطني ما طار عنده قصد .. كال السمه مو ألي خل انزل الساحه
بلكن بعين العدو يطير اتراب الوطن لو حرك اجناحه
كلشي حلو بموطني حته الحزن هم حلو … ما بين حزن وحزن ناخذ حزن راحه
ما المشكله بموطني تدرون ما المشكله … المشكله بموطني بي قادة لفاحه
مشلوع باب الوطن .. كالو ده نامو رغد ضمينه مفتاحه
بالجنه كلهه الدول .. والبشر كلهه بقت بالجنه مرتاحه
وادم عراقي طلع .. وحنه الدفعنه الثمن من طكله تفاحه



_________
بقلم شاعر الشعراء تاج عروشهم
عبد الحسين الحلفي
أضف الى مفضلتك

الله يرحمك عبد الحسين الحلفي