مو طبيعي - عبد الحسين الحلفي

مو طبيعي

كلش موطبيعي
ودخت كلش بيك ..

وداخت من حجيت
وياك كلماتي

بحياتك سيدي وينكالك مولاي ..

من كد ما دخت كتلك يمولاتي

شفتك غوشت عيني
كمت ما شوف ..

درت وجهي صفح شافتك ذاناتي

تسوه الدنية عندي امن اكعد وياك ..

إمن اطب لبيتكم اشبك
على الباب ..

ويشبكك بابنه من
تطب بيتي

فرق ما بين عمري وعمرك هواي ..

وكمت
لخاطرك اصبغ لحيتي

اتأذه اذا وي غيرك ارتاح ..

وحيل ارتاح اذا منك اذيتي

ويه غيرك من
يردلي العمر ماريد ..

واريد وياك
ىلو يمك منيتي

قضيتي وياك خلتني ابد ما شوف ..

وادعي إمن الله
ما تنحل قضيتي

عليك العين
تبجي ليل ونهار ..

واكلهه اشعطلج
شوما بجيتي

يوصي اهله
بجهاله الرايد يموت ..

وبس اسمك لكو اهلي بوصيتي

اعله غيرك مانحت
مابيه عالنوح ..

وعليك اشكد حلو
يونسني نوحي

وكضيت زيارتي بس
اندعيلك ..

ونسيت وداعتك
أندعي لروحي

جنت من روحي
ضايج كبل ملكاك ..

وكل ساعة اكل
روحي دروحي

هسه لا بعد من
روحي ما ضوج ..

اضوج شلون وانته الصرت روحي

أنه اصرخ حيل من تلجمني الجروح ..

وأضل مقهور لو
طابت جروحي

اعتبر كل
اليداووني يلجمون ..

وتلجم بيه
واعتبرك علاجي

سجين بحبك آنه متاني الافراج ..

واصلي وأندعي لا
يجي افراجي

محتاج لحنانك
حيل محتاج ..

ومحد غيرك يسدلي احتياجي

واذا عطشان
يلكه نهر مثلك ..

ما معقوله يفتر عالسواجي

تجرحني بقصد واتطلع الروح..

وأكل للروح ما يقصد احراجي

ابو الطبع
المزاجي اشكد اكرهه ..

وأموت اعليك جي
طبعك مزاجي