احبك - عبد الحسين الحلفي

احبك


احبك مو لان انته حلو
لا ..


لان روحي التقت كبلي ولك بيك


اذ انته تمر
عالا عمة أيصيح الله ..


والأخرس لون
حاجيته يحاجيك


أدل كلبي أعله سهمك وانه مجروح ..


وأكلك دير بالك
خاف أأذيك


إجرحني ولك بس كوع الكيف ..


لان انته ويه
دمي وخاف أبديك


اجرحني ولك بس
كون ماموت ..


حته من يتهمونك ابريك


على مراية اوكفت
ما شفت وجهي ..


وشفت وجهك طلعلي وكمت احاجيك


وثبت بمرايتي وجهك امرايات..


وتباوع وجهه
امرايتي بيك


بكذلتك شد ركبتي وطلع الروح ..


اريدنهه بعد تتقرب أعليك


انته بحضني بس
اعتبرك بعيد ..


اريدن هيج كون
آنه انخبط بيك


يا شارع ميشت اكبالي الكاك ..


اروح لغير شارع
هم الاكيك


ارد للبيت كبلي
الكاك بالباب ..


اطلب كبلي تطب وتكلي اتانيك


بغيرك فكرت ك تحته انساك ..


طلع غيرك يشبهك فكرت بيك